അഭിനന്ദന്‍ മോഡല്‍ മീശ വന്‍ ഹിറ്റ്; സൗജന്യമായി ചെയ്തു നല്‍കി ഒരു സലൂണ്‍
ബെംഗളൂരു: പാകിസ്ഥാന്‍റെ കസ്റ്റഡിയില്‍ നിന്ന് തിരികെ ഇന്ത്യന്‍ മണ്ണിലെത്തിയ വ്യോമസേന വിംഗ് കമാന്‍റര്‍ അഭിനന്ദന്‍ വര്ദ്ധമാന്റെ മീശ വളരെ പെട്ടെന്നാണ് ട്രെന്‍ഡിങ് ലിസ്റ്റില്‍ ഇടം നേടിയത്. ഇതോടെ നിരവധി പേര്‍ ഈ മീശ അനുകരിക്കാനും തുടങ്ങി. ഇതിനിടയില്‍ വ്യത്യാസ്തമായൊരു വാര്‍ത്തയാണ് ബെംഗളൂരുവില്‍ നിന്നും വരുന്നത്.
അഭിനന്ദന്‍ മോഡല്‍ മീശ സൗജന്യമായി ചെയ്തു കൊടുക്കുകയാണ് ബെംഗളൂരുവിലെ ഒരു സലൂണ്‍. അഭിനന്ദന്‍ മോഡല്‍ മീശയ്ക്ക് പുറമേ, അഭിനന്ദന്‍ ഹെയര്‍ സ്‌റ്റൈലും സൗജന്യമായി ഇവിടെ ചെയ്തുകൊടുക്കുന്നുണ്ട്. ഓഫര്‍ പ്രഖ്യാപിച്ചതോടെ 640ഓളം പേര്‍ അഭിന്ദന്‍ സ്റ്റൈല്‍ മീശ ഇവിടെ നിന്നും വെച്ചുകഴിഞ്ഞുവെന്നാണ് സലൂണ്‍ ഉടമസ്ഥന്‍ നനേഷ് പറയുന്നത്.അഭിനന്ദന്‍ തിരിച്ചു വന്നതില്‍ ഞാന്‍ വളരെയധികം സന്തുഷ്ടനാണ്. അദ്ദേഹത്തെ പോലുള്ളവര്‍ അതിര്‍ത്തി കാക്കുന്നതുകൊണ്ടാണ് നമ്മള്‍ ഇവിടെ സുരക്ഷിതരായി ജീവിക്കുന്നത്. അദ്ദേഹത്തിന്റെ മീശ സ്റ്റൈല്‍ ഞാനും ചെയ്തതോടെ നിരവധി പേരുടെ ശ്രദ്ധ പിടിച്ചു പറ്റാന്‍ സാധിച്ചു'- തേജസ് എന്ന യുവാവ് പറഞ്ഞു.
അറ്റം വളഞ്ഞും കട്ടികുറിച്ചും മധ്യഭാഗത്ത് കട്ടിയോടും കൂടിയ മീശയാണ് അഭിനന്ദന്‍റേത്. അദ്ദേഹത്തിന്റെ അസാമാന്യ ധൈര്യവും, രാജ്യത്തോടുള്ള സ്നേഹവും വാര്‍ത്തകളായതിന് പിന്നാലെയാണ് അഭിനന്ദന്‍ സ്റ്റൈല്‍ മീശ അനുകരിക്കാന്‍ ആളുകളെ പ്രേരിപ്പിച്ചത്. ഈ മോഡല്‍ മീശ വെച്ച ചിത്രങ്ങള്‍ സമൂഹമാധ്യമങ്ങളിലൂടെ നിവധി പേര്‍ പങ്കുവെക്കുന്നുണ്ട്.
സ്റ്റൈലിനെക്കാളുപരി അഭിനന്ദന്‍ വര്ദ്ധമാന്റെ ധീരതയുടെയും ആത്മവിശ്വസത്തിന്‍റെയും ചിഹ്നം കൂടിയാണ് ഈ മീശ എന്നാണ് സോഷ്യല്‍ മീഡിയ പറയുന്നത്.
Comments
Post a Comment